Жорий йилнинг 31 май куни Ўзбекистон Республикасининг Россия Федерациясидаги элчихонасида (Москва шаҳрида) ўзбекистонлик ишлаб чиқарувчиларнинг маҳсулотлари кўргазма-ярмаркаси бўлиб ўтмоқда.
Нуфузли кўргазма-ярмарка ишида Россия Федерациясининг ресторатор ва отельерлари Федерацияси Президенти И.Бухаров BMB Trade Group компанияси томонидан етиштирилаётган BMB Za’faron маҳсулоти жойлашган стендни кўздан кечирди. Компаниямиз вакиллари томонидан ушбу табиий доривор ўсимлик ҳақида меҳмонга атрофлича маълумот бериб ўтилди. Ўз навбатида, И.Бухаров BMB Za’faron маҳсулотини Россия бозорлари ва шу билан бирга ресторанлари менюсига киритиш истагини билдириб ўтди.
Шуни ҳам таъқидлаб ўтиш жоиз, BMB Trade Group компанияси вакиллари ҳамкорлик алоқаларини ўрнатиш ва янги лойиҳаларни ишлаб чиқиш мақсадида Россиянинг «БММ»компаниялар гуруҳи Бош директори ўринбосари Эдгар Багян, экспорт ва импортга ихтисослашган «Флагман» компанияси ижрочи директори Евгений Розенблит ҳамда «Марр Руссия» компанияси тижорат директори ўринбосари Владимир Кимлар билан самарали музокаралар ўтказдилар.
Ўз ишини давом эттираётган кўргазма-ярмарка янгиликлари ҳақида кейинги сонларимизда хабардор қилиб борамиз. Бизни кузатиб боринг!
