Жорий йилнинг 8 июнь куни BMB Trade Group компанияси Кузатув Кенгаши Раиси Бекзод Маматқулов ва Bright Uzbekistan лойиҳаси асосчиси Даврон Абдуллаев ўртасида учрашув бўлиб ўтди.
Компаниямизнинг ишончли ҳамкори ва дўстларидан бўлган ушбу ташкилот ҳамда унинг раҳбари Даврон Абдуллаев Bright Uzbekistan лойиҳаси доирасида ишлаб чиқилган журналнинг илк сонини компаниямиз Кузатув Кенгаши Раисига тақдим этди.
Бекзод Маматқулов ўз навбатида туҳфа учун ўзининг самимий миннатдорчилигини билдириб, мазкур нашр мамлакатимизда бўлгани каби, жаҳон медиа майдонида ҳам ўз ўрнини эгаллашини тилаб қолди.
Даврон Абдуллаев Bright Uzbekistan журнали ҳам ҳудди заъфарон каби Ўзбекистоннинг юзи бўлишини, яқин вақт ичида чет элларда офислар очиш ҳамда BMB Trade Group компанияси билан ҳамкорлик қилиш режалари борлигини маълум қилди.
Яна бир эътиборли жиҳати шундаки, журналнинг илк сонида мамлакатимиз ҳаётида бўлиб ўтаётган жараёнлар таҳлилига бағишланган материаллар билан бир қаторда компаниямиз фаолияти, хусусан BMB Za’faron бренди остида етиштирилаётган маҳсулотимизга бағишланган мақола ҳам ўрин олган.
Учрашув якунида Б.Маматқулов ва Д.Абдуллаев бундан кейин BMB Trade Group ҳамда Bright Uzbekistan ўртасида дўстона алоқаларни янада ривожлантириш, шунингдек янги ҳамкорликдаги лойиҳаларни амалга оширишга тайёр эканликларини билдирдилар.
