Жорий йилнинг 8-сентябрь куни BMB Trade Group компанияси Кузатув Кенгаши раиси Бекзод Маматқулов Жиззах вилоятининг Бахмал туманида янги барпо этилаётган заъфарон плантацияларига ташриф буюрди.
Кузатув Кенгаши раиси янги экин мавсуми учун мўлжалланган ер майдонларининг тайёргарлик ҳолати, агротехник тадбирларнинг бориши билан яқиндан танишиб, дала миришкорлари билан суҳбатлашди.
Ишчи ташрифи давомида Б.Маматқулов мазкур халқаро лойиҳа доирасида амалга оширилиши зарур бўлган ишлар ҳақида гапириб ўтди ва уларни амалга ошириш йўлида дала миришкорлари олдига бир қатор вазифаларни қўйди.
