– Бугунги халқаро анжуман Европа тикланиш ва тараққиёт банки билан мамлакатимиз ўртасидаги ҳамкорликни янги поғонага олиб чиқиш учун тарихий имконият яратмоқда, –деди мамлакатимиз Президенти Шавкат Мирзиёев тадбир давомида.
Мазкур тадбир доирасида жорий йилнинг 17-май куни Европа ва Ўзбекистон ўртасидаги ҳамкорликни ривожлантириш ва иқтисодий алоқаларни мустаҳкамлаш мақсадида EUROUZ Европа тармоқ тадбири ташкил этилди.
Унда EUROUZ бош котиби Ойбек Шайхов сўзга чиқиб, Европа ва Ўзбекистондан 100 дан ортиқ етакчи раҳбарлар, вазирлар, вазир ўринбосарлари, элчилар ва халқаро молия институтлари вакилларига нутқ сўзлади.
Форум ишида BMB Trade Group компанияси вакиллари ҳам иштирок этиб, Европанинг бир қатор компания раҳбарлари билан музокаралар ўтказди.
Хусусан, молия, савдо, консалтинг, инвестиция, қурилиш, энергетика ва шу каби бошқа кўплаб ҳамкорлик қилиш мумкин бўлган йўналишлар иштирокчилар диққат марказида бўлди.
Умуман олганда, мазкур тадбирлар маҳаллий бизнес вакиллари учун халқаро молиявий институтлар томонидан ёрдам кўрсатилиши ва бошқа шаклдаги ҳамкорликни ўрнатишда тегишли шартлари ва имкониятлари билан батафсил танишиш учун қулай платформага айланди.
