Ташриф давомида асосий эътибор Навоий вилоятининг ижтимоий-иқтисодий ҳолати ҳамда ҳудуднинг инвестиция ва экспорт салоҳиятини ривожлантириш истиқболларини ўрганишга қаратилди.
Хусусан, Навоий вилояти ҳокими Нормат Турсунов билан бўлиб ўтган учрашув доирасида ҳудуднинг кенг салоҳиятидан келиб чиқиб, иқтисодиётнинг турли соҳаларида қўшма инвестиция лойиҳаларини амалга ошириш, шу жумладан “BMB Za’faron” меҳмонхона ва ресторанлар тармоғи фаолиятини мазкур ҳудудда кенгайтириш ҳамда ташқи савдо ҳажмларини ошириш истиқболлари муҳокама қилинди.
Очиқ ва конструктив мулоқот руҳида ўтган учрашувда бир қатор ўзаро манфаатли масалалар атрофлича кўриб чиқилди.
Шунингдек, ташриф чоғида инвестиция лойиҳаларини амалга оширишга қаратилган Навоий шаҳрида жойлашган бир қатор объектлар кўздан кечирилди.
