Келишувларга асосан Жиззах вилоятида заъфарон етиштириш, қайта ишлаш ва экспорт қилиш лойиҳасини кенгайтириш ҳамда Тошкент вилоятида чиқиндиларни қайта ишлаш ва ундан электр энергияси ишлаб чиқариш лойиҳаларини амалга ошириш кўзда тутилган.
Куни кеча, 16 август куни BMB Trade Group компанияси Кузатув Кенгаши Раиси Бекзод Маматкулов ҳамда HT HOLDING компанияси президенти Роберто Туччи ўртасида видеоконференцалоқа орқали музокаралар ўтказилди.
Музокаралар давомида мазкур келишувларни амалга ошириш босқичлари ва уларни жадаллаштириш, Ўзбекистонда етиштирилаётган заъфарон маҳсулотини чуқур қайта ишлаш ҳамда Европа ва АҚШ бозорларги экспорт қилиш масалалари муҳокама қилинди.
Муҳокама натижасида жорий йилнинг сентябрь ойида заъфарон плантацияларини кенгайтириш, заъфарон ва ундан ишлаб чиқарилаётган қўшимча қийматга эга маҳсулотларни Европа давлатлари ва АҚШга экспорт қилиш ҳамда экспорт географиясини янада кенгайтириш бўйича ишларни жадаллаштиришга келишилди.
