ФУТЗАЛ РИВОЖИДАГИ ЯНА БИР МУҲИМ ҚАДАМ

ФУТЗАЛ РИВОЖИДАГИ ЯНА БИР МУҲИМ ҚАДАМ
BMB Professional Futsal Club 2022-2023 йилги мавсумда олтин треблга, яъни, бир мавсумда 3 та мусобақада ғолибликка эришиб, футзал бўйича Ўзбекистон чемпиони, Ўзбекистон Кубоги ва Ўзбекистон Суперкубок эгасига айланиб улгирди. Хабарингиз бор, FIFA томонидан қабул қилинган қарорга мувофиқ 2024 йил Футзал бўйича Жахон чемпионатига Ўзбекистон мезбонлик қиладиган бўлди. Компаниямиз томонидан ушбу оламшумул тадбир олдидан Ватанимизда футзални янада оммалаштириш ва ривожлантириш мақсадида BMB Professional Futsal Clubга футбол ватани хисобланадиган Бразилиядан бир қатор иқтидорли ва катта тажрибага эга футзалчилар трансфери амалга оширилди.
Бугунги кунга келиб, клубда легионер футзалчилар сафи янада кенгайди, жумладан: Alex Dias da Silva , João Florencio da Silva Neto , Lucas Oguido Nakazato ва Vitor Manoel da Silvaлар билан шартнома имзоланиб, Oliveira de Jesus Souza Hebberth (Bolt) ва Henrique Soarez de Souza Pauloлар билан тузилган шартнома муддати узайтирилди. Бош мураббий маслахатчиси сифатида Футзал бўйича 2018 йилги Жахон чемпиони, УЕФА кубоги ғолиби ҳамда Бразилия чемпиони Nunes Da Silva Gattini Adalberto (Betao) жалб қилинди.
Жорий йилнинг 29 сентябрь куни BMB Holding биносининг мажлислар залида оммавий-ахборот воситалари вакилларига “BMB PFC”нинг Олий лига 2023-2024-йилдаги мавсуми учун жамоанинг янги формалари ва легионерларини таништирди.
Қолаверса, Фан клубнинг фаолиятини янада ривожлантириш мақсадида BMB PFC клубининг рамзи “Оқ йўлбарс” танланди.

Янгилик билан ижтимоий тармоқларда улашинг:

Тэглар:

Бошқа янгиликлар: