Ташриф давомида Ж.Ходжаев BMB-NRC Agrologistics қўшма корхонаси томонидан Жиззах вилояти Шароф Рашидов тумани 2-сектор ҳудудида барпо этилаётган замонавий Агрологистика комплексига ташриф буюриб, комплексдаги бунёдкорлик ишлари билан яқиндан танишди.
Ҳукумат комиссия аъзолари томонидан лойиҳа доирасида бугунги кунга қадар амалга оширилган ишлар, киритилган инвестициялар миқдори ва келажакда комплекс фаолиятини янада кенгайтириш бўйича маълумотлар тингланиб, мутассадиларга манзилли топшириқлар берилди.
Эслатиб ўтамиз, Юртбошимиз томонидан «Мегалойиҳа» деб таърифланган, келгусида Жиззах вилоятининг ижтимоий-иқтисодий ривожланишига залворли ҳисса қўшадиган мазкур комплексда сўнгги босқич қурилиш ишлари амалга оширилмоқда ва шу йил октябрь ойининг биринчи декадасида эксплуатацияга топширилиши режалаштирилган.
