Жорий йилнинг, 4 октябрь куни BMB HOLDING Кузатув кенгаши раиси Бекзод Маматкулов ҳамда HT HOLDING президенти Роберто Туччи бошчилигидаги делегация ўртасида музокаралар бўлиб ўтди.
Музокараларда, Жиззах вилоятида заъфарон етиштириш, қайта ишлаш ва экспорт ҳажмини кенгайтириш хусусан, Европа ва АҚШ бозорларига экспорт қилиш масалалари ҳамда Тошкент вилоятида чиқиндиларни қайта ишлаш ва ундан электр энергияси ишлаб чиқариш лойиҳаларини амалга оширишни жадаллаштириш масалалари муҳокама қилинди.
Шунингдек, Италиялик меҳмонлар жорий йилнинг 5 октябрь куни Жиззах вилоятининг Бахмал туманида BMB OPERA ZAFFERANO заъфарон плантацияларида Италиядан келтирилган навбатдаги туганак пиёзбошларини намунавий экиш тадбирида ҳам иштирок этишади.
