Хабарингиз бор, BMB Holding таркибига кирувчи BMB Agro корхонаси қишлоқ хўжалиги маҳсулотлари хусусан, мева-сабзавотларни халқимиз дастурхонларига етказиб бериш билан бирга миллий маҳсулотларимизни хорижга ҳам мунтазам экспорт қилиб келади.
Жорий йилнинг, 10 октябрь куни серқуёш мамлакатимизда етиштирилган узум, ҳурмо, олма каби меваларнинг катта партияси Россия Федерациясига экспорт қилинди.
Шириндан шакар меваларимиз Москва вилоятида жойлашган, мамлакатдаги энг катта кластерлардан бири Фуд Сити савдо марказининг расталаридан жой олади.
Бу ҳақида «РусАгроМаркет» улгуржи маҳсулот тарқатиш марказлари федерал тармоғи вакиллари билан B2B форматида ўтказилган музокаралар чоғида келишиб олинган эди.
