Жорий йилнинг, 4-9 октябрь кунлари BMB Holding таъсисчилари Ботир Якубов ҳамда Мирзамурод Дадажоновлар Туркия Республикасининг Адана, Измир, Бурса ҳамда Истанбул шаҳарларида бўлиб мева-сабзавотларни қайта ишлаш, сублимация қилиш, музлатиш ҳамда сақлашда мамлакат тажрибасини ўрганиб қайтишди.
Хусусан, «Cilicias Farm» компаниясининг қишлоқ хўжалиги маҳсулотларини қайта ишлаш ва янги маҳсулотлар ишлаб чиқариш соҳасидаги тажрибаси, «Akcan Paslanmas Makina» компаниясининг қайта ишлаш линияларини, конвейер ҳамда завод ва фабриклалар учун ускуналар ишлаб чиқариш тажрибасини ўрганишди ва келгусида ҳамкорлик қилишга келишиб олинди.
Таъкидлаш жоизки, иккала компания ҳам ўз йўналишларида Туркиядаги энг йирик компаниялар қаторида туришади. Мисол учун, «Cilicias Farm» компанияси деярли бир асрлик тарихга эга етакчи компаниялардан ҳисобланса, «Akcan Paslanmas Makina» сифатли, зангламайдиган инструкциялар ва конвейерлар ишлаб чиқаришда анча таниқлидир.
