Буюк Британия ва Хитой кўшма корхонаси — FLOVA компанияси тажрибаси ўрганилди
Хабарингиз бор, айни кунларда BMB HOLDING таъсисчиси Мирзамурод Дадажонов холдингнинг экспорт салоҳиятини янада ошириш, Хитойнинг энг сўнгги замонавий технологиялари, илм-фан ютуқлари билан танишиш, уларни BMB HOLDING тизимидаги корхоналарда жорий этиш мақсадида амалий ташриф билан Хитойда бўлиб турибди.
Жорий йилнинг 11 март куни М. Дадажонов Хитойдаги сантехника маҳсулотларини ишлаб чиқаришда 30 йиллик тажрибага эга бўлган FLOVA компанияси фаолияти билан танишди.
FLOVA компанияси – Хитойдаги сантехника маҳсулотлари ва ошхона жиҳозларини лойиҳалаш, ишлаб чиқариш, ишлов бериш, ички бозорга етказиб бериш, экспорт қилиш хизматларини амалга оширади. Ушбу компания маҳсулотлари UPC (АҚШ), WRAS (Буюк Британия) каби халқаро даражадаги сертификатларга эга. Бугунги кунда компания томонидан замонавий технологиялар асосида 30 дан ортиқ турдаги маҳсулотлар ишлаб чиқарилмоқда.
Ташриф давомида компания фаолияти, хусусан, маҳсулот ишлаб чиқариш, қайта ишлаш, уни ички бозорга етказиб бериш, экспорт қилиш жараёнлари батафсил ўрганилди.
Шунингдек, компания вакилларига юртимизда тадбиркорлик фаолияти учун яратиб берилаётган имкониятлар, қулай инвестиция муҳити ҳақида маълумотлар берилди. Ташриф якунида яқин келажакда кенг қамровли ҳамкорлик қилиш бўйича келишиб олинди.
