КЎП АСРЛИК ДЎСТЛИК ВА ЎЗАРО ИШОНЧ ЎЗБЕКИСТОН ВА ТУРКИЯ МУНОСАБАТЛАРИНИНГ ИЗЧИЛ РИВОЖЛАНИШИГА МУСТАҲКАМ АСОС БЎЛМОҚДА
Хабарингиз бор, шу кунларда Ўзбекистон Республикаси Президенти Шавкат Мирзиёев расмий ташриф билан Туркия Республикасида бўлиб турибди.
Ташриф доирасида, бугун, 6 июнь куни Анқара шаҳрида икки давлат раҳбарлари раислигида Ўзбекистон-Туркия Ишбилармонлар кенгашининг биринчи йиғилиши бўлиб ўтди.
Давлатимиз раҳбари Шавкат Мирзиёев ҳамкорликнинг истиқболли йўналишларини белгилаб, энг аввало, инвестициявий шериклик ва саноат кооперациясини кенгайтиришни таклиф этди.
Ўз навбатида, Туркия Президенти Режеп Таййип Эрдоған Туркия Ўзбекистон билан барча соҳаларда ўзаро манфаатли алоқаларни янада мустаҳкамлашга интилишини билдирди.
Эътиборлиси шундаки, тадбиркорлар билан бундай форматдаги мулоқот илк бор ўтказилаётганлиги, Ишбилармонлар кенгашининг тузилиши икки томонлама муносабатлар ривожи янги босқичга кўтарилганининг рамзи сифатида қайд этилди.
Мазкур тадбирда иштирок этган BMB HOLDING Кузатув Кенгаши раиси Бекзод Маматқулов, “Ўзсаноатқурилишбанк” ва “Ўзсаноатқурилиш материаллари” уюшмаси ҳамкорлигида Туркиянинг Токсел Макина компанияси бошқарув раиси жаноб Мурат Токмактепе билан умумий қиймати 25 млн. АҚШ долларини ташкил этувчи энергия 
самарадор технологиялар ва асбоб ускуналар ишлаб чиқариш лойиҳасини амалга ошириш бўйича келишувга эришилди.
