BMB HOLDING ЖИЗЗАХ ОФИСИ ТАНТАНАЛИ ОЧИЛДИ ҲАМДА BMB ZA’FARON RESTAURANT ВА BMB ZA’FARON HOTEL ТАРМОҚЛАРИНИНГ БИР ЙИЛЛИГИ НИШОНЛАНДИ
Жорий йилнинг 23 июль куни BMB HOLDING Жиззах офисининг очилиш маросими бўлиб ўтди. Тадбирни Ҳолдинг Кузатув Кенгаши раиси Бекзод Маматқулов ҳамда Жиззах шаҳар ҳокими Комил Холмуродов очиб берди.
Расмий тадбирда жамоатчилик фаоллари, нуроний отахонлар, офис ходимлари ҳамда ОАВ вакиллари иштирок этишди. Шундан сўнг мажмуага қисқа экскурсия ташкил этилди ҳамда 
яратилган шарт-шароитлар ва имкониятлар ҳақида маълумот берилгач, йиғилганлар учун эҳсон оши дастурхони ёзилди.
Янги очилган офис шарқ ва ғарб меъморчилигининг гўзал намуналарини ўзида уйғунлаштирган бўлиб, энг замонавий усулда бунёд этилган ҳамда сўнгги русумдаги техник воситалар, мониторлар, микрофон ва камералар билан жиҳозланган. Шу билан бир қаторда, мазкур офис биносида қулай 
шароитларга эга 100 кишилик конференцзал ҳамда 30 кишилик мажлислар хонаси ҳам мавжуд.
Қолаверса, офисда малакали иқтисодчилар, юристлар, маркетологлар, сотув менежерлари ҳамда хорижий инвестицияларни жалб қилиш ва қишлоқ хўжалиги соҳасини чуқур ўзлаштирган етук мутахассислар фаолият олиб боради.
Куннинг яна бир асосий янгиликларидан бири шуки, BMB Za’faron Restaurant ва BMB Za’faron Hotel 
тармоқлари бир ёшга тўлиши муносабати билан жиззахликлар учун эстрадамизнинг энг ёрқин юлдузлари иштирокида катта байрам шоу кечаси ташкил этилди. Ўн нафар рестораннинг доимий мижозларига «Gold (7%)», «Silver (5%) ҳамда «Bronze (3%)» чегирмали карталари топширилди.
