ЭРОННИНГ ЎЗБЕКИСТОНДАГИ ЭЛЧИСИ BMB-NRC AGROLOGISTICS МАЖМУАСИ ФАОЛИЯТИ БИЛАН ТАНИШДИ
Жорий йилнинг 18 июль куни Эрон Ислом Республикасининг мамлакатимиздаги фавқулодда ва мухтор элчиси Муҳаммад Али Искандарий бошчилигидаги дипломатларни BMB HOLDING Таъсисчиси Азиз Маматқулов кутиб олиб, Ҳолдинг ва ҳудуддаги биринчи қайта ишлаш корхонаси фаолияти, амалга оширилаётган лойиҳалар, хусусан, BMB-NRC Agrologistics мажмуаси имкониятлари билан таништирди.
Шунингдек, жараён давомида элчи жаноблари агрологистика мажмуасининг фаолияти, унинг қуввати, экспорт салоҳияти ва жўғрофияси, хизмат турлари, яратилган имконият ва шароитлар, хусусан, мамлакатимиз минтақаларида етиштирилган турли қишлоқ хўжалиги маҳсулотларини саралаш, қайта ишлаш, қадоқлаш, сақлаш, божхона, банк ва санитар ҳужжатларини “Ягона дарча” тамойили асосида расмийлаштириш, транспорт, логистика хизматларини кўрсатиш каби амалиётлар билан таништирилди.
Келгусида Эронга серқуёш заминимизда етиштирилган маҳсулотларни экспорт қилишда мажмуа имкониятларидан фойдаланишга келишиб олинди.
