BMB HOLDING ВАКИЛЛАРИ ЎЗБЕКИСТОН-ЭРОН БИЗНЕС-ФОРУМИДА ИШТИРОК ЭТИШДИ
Жорий йилнинг 19 сентябрь куни Тошкент шаҳрида Эрон Савдо-саноат, кончилик ва қишлоқ хўжалиги палатаси бошчилигидаги ишбилармон доира вакилларидан иборат делегациянинг мамлакатимизга ташрифи доирасида Ўзбекистон-Эрон бизнес-форуми ҳамда Эрон тадбиркорлари билан B2B учрашувлар ўтказилди.
Тадбирда Ўзбекистон Савдо-саноат палатаси раиси Даврон Вахабов, Эрон Савдо-саноат, 
кончилик ва қишлоқ хўжалиги палатаси президенти Самад Ҳасанзода, тегишли вазирлик ва идоралар, тармоқ бирлашмалари раҳбарлари, шунингдек 200 дан ортиқ икки давлат ишбилармон доиралари, хусусан, BMB HOLDING вакиллари ҳам иштирок этди.
Тадбирда эронлик ишбилармонларга Ҳолдинг фаолияти, хусусан, экспорт-импорт, 
қишлоқ хўжалиги ва агрологистика, хизмат кўрсатиш йўналишларида Ҳолдинг салоҳияти, қолаверса, BMB Za’faron бренди остидаги заъфаронли маҳсулотлар ҳамда қайта ишланган қишлоқ хўжалиги маҳсулотлари ҳақида маълумот берилди. Конструктив руҳда ўтган B2B музокараларда келгусидаги ҳамкорлик истиқболлари муҳокама қилинди.
