БАЙРАМИНГИЗ МУБОРАК БЎЛСИН АЗИЗ УСТОЗЛАР!
Қадрли устозлар, ўқитувчи ва мураббийлар!
Барчангизни «1 октябрь – Ўқитувчи ва мураббийлар куни» муносабати билан самимий муборакбод этамиз!
Инсон ҳамиша унга билим ва маърифат дунёси сари йўл очиб берган, унинг қалбига юксак инсоний фазилатлар ҳиссини сингдириш йўлида заҳмат чеккан устоз ва мураббийларига нисбатан кўнглида миннатдорлик туйғуси билан яшайди.
Ҳақиқатан ҳам, кўз нури ва қалб қўрини, бутун онгли ҳаётини ёш авлодга билим ва тарбия беришга, уларни миллий ва умуминсоний қадриятлар руҳида камол топтиришга бағишлаган, бир сўз билан айтганда, Ватанимизнинг эртанги кунининг пойдеворини яратаётган бу инсонларнинг олижаноб меҳнатига ҳар қанча таҳсин айтсак оз.
Фурсатдан фойдаланиб, Сизни ушбу қутлуғ байрам билан табриклаб, хонадонларингизга файзу барака, сиҳат-саломатлик, шарафли ва масъулиятли фаолиятингизда улкан муваффақиятлар тилаймиз!
Ҳурмат билан,
BMB HOLDING жамоаси
