Жорий йилнинг 29 ноябрь куни BMB HOLDING Бош офисида Эрон Ислом Республикасининг Ўзбекистондаги элчихонаси кўмагида ZBKR ва Middle East Fruit Science (Эрон Ислом Республикаси) компаниялари раҳбарлари билан учрашув бўлиб ўтди.
Ўзаро конструктив руҳда ўтган мулоқот давомида меҳмонлар Ҳолдинг ва унинг таркибидаги корхоналар фаолияти билан таништирилди. Шунингдек, Эрон компаниялари томонидан ишлаб чиқилган қишлоқ хўжалиги йўналишида фойдаланиладиган технологиялар тақдимоти ўтказилди ҳамда қишлоқ хўжалиги маҳсулотлари экспортини йўлга қўйиш ва бунда замонавий технологияларни жорий 
қилишда ҳамкорлик алоқаларини ўрнатиш истиқболлари муҳокама қилинди.
Келгусида, мазкур йўналишлардаги имкониятлардан янада самарали фойдаланиш, Эронга қайта ишланган ва қуритилган қишлоқ хўжалиги маҳсулотларини экспорт қилишда ҳамкорлик қилишга келишиб олинди.
