Видеоконференцалоқа орқали Евроопт савдо тармоғи (Беларусь Республикаси) тижорат директори Дмитрий Краско билан учрашув бўлиб ўтди.
Учрашувда Ўзбекистонда етиштирилаётган мева-сабзавотлар, қуритилган ва чуқур қайта ишланган маҳсулотларни Евроопт савдо тармоғига етказиб бериш ҳамда ушбу тармоқнинг сюрвейерини фаолиятини BMB-NRC Agrologistics мажмуасида йўлга қўйиш орқали қишлоқ хўжалиги маҳсулотларининг экспортини тизимли равишда йўлга қўйиш масалалари муҳокама қилинди.
Қолаверса ўзаро ҳамкорлик юзасидан келишув битими имзолашга келишиб олинди.
Евроопт савдо тармоғи тарихи 1993 йилда бошланган бўлиб, бугунги кунда 1100 дан ортиқ «Евроопт», «Хит!» ва «Грошык» номли дўконлардан иборат Беларусь Республикасининг энг йирик чакана савдо тармоғи ҳисобланади.
