ИТАЛИЯНИНГ ЎЗБЕКИСТОНДАГИ ЭЛЧИСИ БИЛАН УЧРАШУВ БЎЛИБ ЎТДИ

ИТАЛИЯНИНГ ЎЗБЕКИСТОНДАГИ ЭЛЧИСИ БИЛАН УЧРАШУВ БЎЛИБ ЎТДИ

Жорий йилнинг 15 январь куни Италиянинг Ўзбекистондаги элчихонасида BMB HOLDING Кузатув Кенгаши раиси Бекзод Маматқулов ҳамда Италиянинг янги тайинланган Ўзбекистондаги Фавқулодда ва Мухтор элчиси Пьергабриеле Пападия де Боттини ўртасида учрашув бўлиб ўтди.

Учрашувда Ҳолдинг ва унинг таркибидаги корхоналар томонидан қишлоқ хўжалиги, бирламчи ва чуқур қайта ишлаш, экспорт ва импорт, қурилиш, туризм соҳаларида амалга оширилаётган лойиҳалар ҳамда уларни ривожлантириш масалалари муҳокама қилинди.

Шунингдек, элчи жаноблари томонидан Италиянинг FIN.OPERA s.r.l. компанияси билан ҳамкорликда Жиззах вилоятининг Бахмал туманида заъфарон етиштириш ва экспорт қилиш лойиҳасини амалга оширилиши доирасида эришилган ютуқлар алоҳида эътироф этилди.

Қолаверса, иқтисодиётнинг бошқа тармоқларида ҳам Италиянинг йирик компаниялари билан қўшма лойиҳаларни амалга ошириш орқали стратегик ҳамкорликни янада мустаҳкамлашга келишиб олинди.

Янгилик билан ижтимоий тармоқларда улашинг:

Тэглар:

Бошқа янгиликлар: