Жорий йилнинг 31 январь кунидан BMB HOLDING делегацияси Латвияга бўлган ташрифини муваффақиятли якунлаб, Швецияда қизғин учрашув ва музокараларни бошлади. Дастлаб, Стокгольм шаҳрида Ҳолдинг Кузатув Кенгаши раиси Бекзод Маматқулов ҳамда Ўзбекистоннинг Швециядаги Фавқулодда ва Мухтор элчиси Раҳматулла Нуримбетов ўртасида учрашув бўлиб ўтди.
Учрашувда икки томонлама ҳамкорликни кенгайтириш, технологик ва инновацион лойиҳаларни амалга ошириш, Ўзбекистонда саноат ва ишлаб чиқариш соҳаларига Швеция компанияларини жалб этиш, экологик тоза ва барқарор ривожланишга қаратилган лойиҳаларни қўллаб-қувватлаш масалалари муҳокама қилинди.
Шунингдек, юқори сифатли қишлоқ хўжалиги маҳсулотларини етиштириш ва етказиб бериш, қуритилган мева-сабзавот маҳсулотларининг экспорт ҳажмини ошириш ҳамда бизнес ҳамкорлар доирасини кенгайтириш, тадбиркорлик йўналишида кўргазмалар, форумлар ва инвестицион учрашувлар салмоғини кўпайтиришда ўзаро ҳамкорлик қилишга келишиб олинди.
