Жорий йилнинг 3 февраль куни Покистон Ислом Республикасининг Ўзбекистондаги элчихонасида BMB HOLDING вакиллари ҳамда Покистон элчихонасининг Савдо-иқтисодий алоқалар бўйича маслаҳатчиси жаноб Атауллаҳ билан учрашув бўлиб ўтди.
Учрашув давомида Ҳолдингнинг асосий фаолият йўналишлари, халқаро инвестициявий лойиҳалари ҳамда экспортбоп маҳсулотлари ҳақида батафсил маълумот берилди. Шунингдек, ҳамкорлик истиқболлари, янги бизнес ташаббусларни амалга ошириш масалалари муҳокама қилинди.
Қолаверса, қишлоқ хўжалиги маҳсулотларининг Покистонга экспортини кенгайтириш, технологик алмашинув имкониятларини ташкил этиш ва янги қўшма лойиҳаларни йўлга қўйиш борасида фикр алмашилди.
Учрашув якунида элчихона вакилларининг Жиззах вилоятига ташрифини ташкил этиш ҳамда Покистоннинг йирик ишбилармон доиралари вакиллари билан қўшма лойиҳалар ишлаб чиқишда ҳамкорлик қилишга келишиб олинди.