Жорий йилнинг 9 сентябрь куни мамлакатимизда бўлиб турган Trade Plus International LLC компанияси делегацияси BMB HOLDING тизим ташкилотлари томонидан амалга оширилаётган лойиҳалар билан танишиш мақсадида Жиззах вилоятига ташриф буюрди.

Мазкур ташриф 5 сентябрь куни Trade Plus International LLC компанияси ҳамда BMB HOLDING раҳбарияти ўртасида халқаро иқтисодий алоқаларни мустаҳкамлаш, жумладан чуқур қайта ишланган ва музлатилган қишлоқ хўжалиги маҳсулотларини Яқин Шарқ давлатларига экспортини йўлга қўйиш юзасидан бўлиб ўтган самарали музокараларнинг мантиқий давоми сифатида амалга оширилди.

Жиззах вилоятига бўлиб ўтган ташриф чоғида Ҳолдинг ҳамтаъсисчиси Азиз Маматқулов ва Trade Plus International LLC компанияси раҳбарияти жаноб Ақсар, Сажута хоним ҳамда жаноб Парамаллар ўртасида навбатдаги музокаралар бўлиб ўтди. Шу билан бирга, меҳмонлар BMB-NRC AGROLOGISTICS қўшма корхонаси, BMB AGRO PLUS ҳамда BMB IMPEX корхоналарида чуқур қайта ишланган, музлатилган, дуккакли ва бошқа турдаги қишлоқ хўжалиги маҳсулотларини экспорт қилиш учун тайёрлаш жараёнлари билан ҳам яқиндан танишдилар.

Ташриф сўнгида, Trade Plus International LLC делегацияси аъзолари BMB HOLDING тизимидаги корхоналар фаолиятига юқори баҳо бериб, ҳамкорлик доирасидаги истиқболли режаларни белгилаб олдилар.

BMB HOLDING Ахборот хизмати