BMB AGROKLASTER шўъба корхонаси 2021 йилда ташкил этилган.
Жиззах вилоятининг Арнасой, Ғаллаорол ва Ш.Рашидов туманларида мева-сабзавотчилик кластери қишлоқ хўжалиги маҳсулотлари етиштириш, қайта ишлаш, сақлаш ва сотиш (экспорт қилиш) жараёнларининг ўзаро интеграциясини, озиқ-овқат хавфсизлигини таъминлаш, рақобатбардош маҳсулотлар ишлаб чиқариш ва экспорт ҳажмини ошириш мақсадида ташкил этилган.
Мева-сабзавотчилик кластери томонидан Жиззах вилоятининг Ғаллаорол, Арнасой, Бахмал ва Шароф Рашидов туманларида картошка, помидор, пиёз, булғор қалампири, нўхот, ловия, қовун, тарвуз каби 16 турдаги сабзавот, полиз, дуккакли маҳсулотлар ва мойли экинлар кооперация асосида 10,5 минг гектар ер майдонида етиштирилмоқда. Етиштирилаётган маҳсулотларнинг умумий салмоғи 60 минг тоннани ташкил этади.