Ушбу футзал клуби тижорат учун эмас балки ижтимоий соҳани ривожлантириш, спортга бўлган қизиқишни янада кенгайтиришга қаратилган ташкилотдир. Футзал клубини ташкил этиш орқали Ўзбекистонда футбол соҳасини ривожлантириш вазифасини ўз зиммасига олди.
 

“BMB PFC” футзал жамоаси Ўзбекистон профессионал биринчи лигасининг 2021-2022 йилги мавсум чемпиони ва 2022-2023 йилги мавсум олий лига чемпиони ва Ўзбекистон кубоги соҳиби. Ҳозирда республикадаги хорижий легионерлари мавжуд ягона жамоа бўлиб, унинг рўйхатига 6 нафар бразилиялик футзалчи ва бош мураббий ёрдамчиси киритилган.

BMB HOLDING компанияси 2021 йилда “Суғдиёна” футбол клуби, 2022 йилда “Локомотив” футбол клуби, 2023 йилда эса Ўзбекистон профессионал футбол лигаси чемпионатининг расмий ҳомийси ҳисобланади.

Холдингнинг ижтимоий аҳамиятга эга бўлган лойиҳалари нафақат миллий футболни янада юксалтириш, балки мамлакатимиз ёшларни интеллектуал ривожланишига, хусусан улар орасида шахмат спорт турини оммалаштиришга ҳам ўз ҳиссасини қўшмоқда.

BMB HOLDING компанияси Ёшлар ишлари агентлиги билан биргаликда иқтидорли ёш шахматчилар, Зулфия номидаги Давлат мукофоти совриндори Умида Омоновага ҳамда шахмат бўйича жаҳон чемпиони Ҳумоюн Бекмуродовга бош ҳомийсига айланиб, уларнинг шахмат оламида энг юқори поғоналарни забт этишлари учун барча шарт-шароитларни яратмоқда.

Шу билан бирга, Профессионал боксчи, 2019 йилги Жаҳон чемпионати совриндори, 2018 йилги Осиё ўйинлари олтин медали соҳиби ҳамда 2019-2021 йиллар Осиё чемпиони Бобо-Усмон Батуров BMB Za’faron бренд-амбассадори ҳисобланади.