BMB HOLDING бренд-амбассадори, иқтидорли шахматчи Умида Омонова Самарқанд шаҳрида бўлиб ўтган “FIDE Women Grand Swiss 2025” халқаро турнирида аёллар ўртасида халқаро гроссмейстер (WGM) унвонининг сўнгги талабини ҳам муваффақиятли бажарди.

Бу ютуқ нафақат Умиданинг шахсий ғалабаси, балки бутун ўзбек шахмат мактаби ва спорт жамоатчилиги учун навбатдаги юқори марра ҳисобланади.

Сўнгги йилларда мамлакатимизда ёш иқтидорларни қўллаб-қувватлаш, хусусан, спортчи қизларимизнинг салоҳиятини рўёбга чиқаришга давлат ва тадбиркорлик субъектлари томонидан алоҳида эътибор қаратилмоқда. Умида каби иқтидор эгаларига яратилган шароитлар Ўзбекистонда спорт соҳасидаги ислоҳотларнинг самарасидир.

BMB HOLDING жамоаси Умида Омоновани эришган ютуғи билан самимий қутлаган ҳолда, келгуси фаолиятида ғалабали юришлари давомий бўлишини тилайди.

BMB HOLDING Ахборот хизмати