Жорий йилнинг 22 октябрь куни Италиянинг Милан шаҳрида BMB HOLDING Кузатув кенгаши раиси Бекзод Маматқулов Италия Бош вазири ўринбосари, инфратузилма ва транспорт вазирининг маслаҳатчиси Джанлука Савоини билан учрашув ўтказди.

Суҳбат аввалида Б.Маматқулов Ҳолдинг фаолияти, унинг йўналишлари ҳамда амалга оширилаётган қўшма инвестиция лойиҳалари ҳақида батафсил маълумот бериб ўтди.

Учрашувда томонлар инфратузилма, транспорт ва логистика йўналишларидаги ҳамкорлик истиқболлари, тажриба алмашиш масалалари ҳамда келгусидаги қўшма лойиҳаларни амалга ошириш имкониятларини муҳокама қилдилар.

Мазкур мулоқот давомида муҳокама қилинган масалаларни амалиётга татбиқ этиш мақсадида Б.Маматқулов жаноб Савоинини яқин келажакда юртимизга таклиф этди. Бу ўз навбатида, Ўзбекистон ва Италия тадбиркорлари ўртасида ўзаро манфаатли ҳамкорликни йўлга қўйиш, янги савдо-иқтисодий алоқаларни ўрнатиш ҳамда мамлакатимиздаги инвестициявий муҳитни янада яхшилашга замин яратади.

Шу билан Холдинг делегациясининг Италиянинг Милан шаҳрига бўлган навбатдаги хизмат сафари ўз ниҳоясига етиб, делегация Франциянинг Париж шаҳрига жўнаб кетди.

BMB HOLDING Ахборот хизмати