Жорий йилнинг 15 ноябрь куни BMB HOLDING Кузатув кенгаши раиси Бекзод Маматқулов ва Саудия Арабистоннинг Al Muhaidib Group таркибига кирувчи Saudi Agricultural Development (INMA) компанияси президенти Ҳасан Мустафо Ал Шеҳри ўртасида учрашув бўлиб ўтди. 

Маълумот учун, Saudi Agricultural Development компанияси 1982 йилда ташкил этилган бўлиб, бугунги кунда агроиқтисодий ишлаб чиқариш, сув ва энергия тежаш дастурлари, смарт қишлоқ хўжалиги, ғалла етиштириш ва бошқа турдаги фаолият йўналишлари билан шуғулланиб келади. 

Мулоқот давомида меҳмонга Ҳолдинг таркибига кирувчи компанияларнинг экспорт салоҳияти, ишлаб чиқариш қувватлари, уларда ишлаб чиқарилаётган табиий заъфарон ва бошқа кўплаб турдаги қишлоқ хўжалиги маҳсулотлари юзасидан атрофлича маълумот берилди.

Суҳбат якунлари бўйича томонлар ҳамкорлик ва тажриба алмашиш йўналишида бир қатор қўшма лойиҳаларни ишлаб чиқиш ҳамда келгуси йилнинг февраль ойида уларни амалга ошириш бўйича аниқ таклифларни муҳокама қилиш учун учрашишга келишиб олдилар.

Музокаралардан сўнг меҳмонларга BMB HOLDING тизимидаги корхоналар томонидан ишлаб чиқарилган чуқур қайта ишланган қишлоқ хўжалиги маҳсулотлари намойиш этилди. Мазкур тақдимот меҳмонлар томонидан юқори баҳоланди.