Жорий йилнинг 20 ноябрь куни BMB HOLDING бош директори ўринбосари Сардорбек Розукулов Малайзиянинг SMITA International Trade Association президенти Мегане Су ҳамда Хитойнинг Хэнань провинцияси ишбилармон доира вакиллари билан учрашди.

Мулоқот аввалида меҳмонларга Ҳолдинг асосий фаолият йўналишлари, унинг тизимидаги корхоналар ва амалга оширилаётган қўшма инвестициявий лойиҳалар ҳақида батафсил маълумотлар берилди.

Шунингдек, томонлар турли хил қишлоқ хўжалиги маҳсулотларини, жумладан, чуқур қайта ишланган ҳамда дуккакли маҳсулотларни Хитой ва Малайзия бозорларига экспорт қилиш имкониятларини муҳокама қилдилар. Меҳмонлар ушбу йўналишда ҳамкорликни йўлга қўйишга катта қизиқиш билдирди.

Учрашув якунлари бўйича келгусида Малайзия ва Хитойлик ишбилармонлар билан ўзаро манфаатли ҳамкорликнинг амалий механизмларини ишлаб чиқиш учун мулоқотларни давом эттириш ва қўшимча музокаралар ўтказиш юзасидан келишувга эришилди.

BMB HOLDING Ахборот хизмати