Жорий йилнинг 25 ноябрь куни BMB HOLDING бош директори ўринбосари Сардорбек Розукулов ҳамда Туркия Республикасининг мамлакатимиздаги Фавқулодда ва Мухтор элчиси Уфук Улуташ ўртасида учрашув бўлиб ўтди.

Учрашув аввалида элчи жанобларига Ҳолдингнинг асосий фаолият йўналишлари ва амалга оширилаётган лойиҳалар ҳақида батафсил маълумот берилди.

Томонлар бугунги кунда икки давлат ўртасидаги савдо-иқтисодий ҳамкорликни янада кенгайтириш йўлида BMB HOLDING томонидан етиштирилган, қайта ишланган, сублимацияланган қишлоқ хўжалиги маҳсулотларининг Туркияга экспортини йўлга қўйиш масалаларини атрофлича муҳокама қилдилар.

Шу билан бирга, яқин келажакда Туркия ишбилармон доиралари вакиллари билан истиқболли ва ўзаро манфаатли ҳамкорликни йўлга қўйиш масалалари ҳам учрашувнинг диққат марказида бўлди.

Музокаралар якунида Уфук Улуташ жаноблари келажакда ўтказилиши режалаштирилган қатор бизнес форумларда иштирок этиш учун BMB HOLDING тизимидаги корхоналар вакилларини таклиф қилди.

BMB HOLDING Ахборот хизмати