Жорий йилнинг 26 ноябрь куни BMB HOLDING бош директори ўринбосари Сардорбек Розукулов Франциянинг Agence Française de Développement (AFD) гуруҳи таркибида фаолият юритувчи PROPARCO компаниясининг минтақавий директори Стивен Гардон билан учрашув ўтказди.

Мулоқот аввалида меҳмонга Холдингнинг асосий фаолият йўналишлари, амалга оширилаётган йирик инвестицион лойиҳалар, шунингдек, корхоналарнинг ишлаб чиқариш қувватлари юзасидан батафсил маълумот тақдим этилди.

Шундан сўнг, жаноб Стивен Гардон PROPARCO томонидан қишлоқ хўжалиги, таълим, энергия самарадорлиги, саноат, соғлиқни сақлаш ва молиявий хизматлар соҳаларида кенг кўламли лойиҳаларни қўллаб-қувватлаш бўйича амалга оширилаётган дастурлар ҳақида маълумот берди.

Шу билан бирга, Холдингнинг қишлоқ хўжалиги ва агросаноат йўналишларидаги инновацион ва истиқболли ташаббуслари PROPARCO томонидан катта қизиқиш билан кузатиб келинаётгани қайд этилди ҳамда яқин келажакда ҳамкорликда ўзаро манфаатли қўшма лойиҳаларни амалга ошириш бўйича ташаббус илгари сурилди.

Учрашув якунида амалга ошириладиган лойиҳалар бўйича инвестиция жалб этиш шартлари ҳамда истиқболли ҳамкорлик механизмлари атрофлича муҳокама қилинди. Томонлар ўзаро ахборот алмашиб, манфаатли шериклик йўналишларини янада чуқурроқ ўрганиш мақсадида музокараларни давом эттиришга келишиб олдилар.

BMB HOLDING Ахборот хизмати