2025 йил 17 июнь куни Шимкент шаҳрида, Қозоғистон Республикаси Савдо ва интеграция вазири Арман Шакалиевнинг Тошкентдаги BMB HOLDING бош офисига амалга оширган ташрифи чоғида эришилган келишувлар ижроси доирасида, холдинг делегациясининг Бош директор ўринбосари Хайрулла Набижонов бошчилигида F-Mart супермаркетлар тармоғи тижорат директори Оксана Черепанова билан ишчи учрашуви бўлиб ўтди.

📦 Кун тартибидаги асосий масала — ўзбек маҳсулотларини экспорт қилиш

Учрашувда қуйидаги йўналишларда маҳсулот етказиб беришни йўлга қўйиш бўйича амалий чоралар муҳокама қилинди:

Ўзбекистонда етиштирилган ва қайта ишланган, табиий ва юқори сифатли BMB Zaʼfaron шафрони;
Шунингдек, қуритилган, сублимация қилинган ва қадоқланган мева-сабзавот маҳсулотлари.
Томонлар логистика масалалари, дистрибуция механизмлари, маҳсулотни дўкон рафларига жойлаштириш ҳамда қўшма акциялар ва дегустацияларни ўтказиш масалаларини кўриб чиқдилар.

🌐 Ҳамкорликни стратегик ривожлантириш

Шимкентдаги ушбу ташриф — BMB HOLDING ва Қозоғистон делегацияси ўртасида аввал эришилган келишувлар асосида белгиланган қатор ишчи учрашувларнинг бир қисми бўлиб, Қозоғистоннинг асосий минтақаларидаги савдо операторлари билан ҳамкорликни йўлга қўйишни назарда тутади.

📌 Кейинги қадамлар

F-Mart тармоғига пилот маҳсулотларни етказиб беришга тайёргарлик;

Қозоғистоннинг бошқа минтақаларидаги ритейлерлар билан шунга ўхшаш музокараларни ўтказиш;
BMB HOLDING маҳсулотларининг Қозоғистон бозоридаги мавқеини изчил мустаҳкамлаш.

🙂 BMB HOLDING экспорт салоҳиятини фаол ривожлантиришда давом этмоқда — етакчи савдо тармоқлари билан барқарор ҳамкорлик ўрнатиб, Қозоғистон бозоридаги иштирокини мустаҳкамламоқда.

BMB HOLDING Ахборот хизмати