Жорий йилнинг 8 сентябрь куни BMB HOLDING бош директори ўринбосари Сардорбек Розукулов ва British Uzbek Society ташкилоти раҳбари Ева Новикова ўртасида учрашув бўлиб ўтди.

Мулоқот аввалида меҳмонга Ҳолдингнинг асосий фаолият йўналишлари, амалга оширилаётган халқаро инвестициявий лойиҳалар, ишлаб чиқариш қувватлари ва экспорт салоҳияти ҳақида атрофлича маълумот берилди.

Шу билан бирга, BMB HOLDING асосчиси Бекзод Маматқуловнинг яқин орада Буюк Британияга бўлиб ўтадиган ташрифини самарали ташкил этиш масалалари ҳам атрофлича муҳокама қилинди.

Суҳбат давомида British Uzbek Society ташкилоти раҳбари Ева Новикова мамлакатимизда етиштирилаётган қишлоқ хўжалиги маҳсулотлари, жумладан қуритилган мева ва заъфарон экспортига қизиқиш билдириб, ҳамкорликда тадбирларни амалга ошириш бўйича бир қатор таклифларни илгари сурди.

Бўлиб ўтган учрашув натижаларига кўра, томонлар янги инвестициявий лойиҳаларни йўлга қўйиш мақсадида Буюк Британия компаниялари билан музокаралар ташкиллаштиришга келишиб олдилар.

BMB HOLDING Ахборот хизмати