Европа давлатларига амалга оширилаётган ишчи ташриф доирасида жорий йилнинг 30 октябрь куни BMB HOLDING Кузатув кенгаши раиси Бекзод Маматқулов Лондон шаҳрида Trade Development компанияси раҳбари Сохеил Раманиан билан бизнес-нонушта шаклида учрашди.

Учрашув аввалида Ўзбекистон ва Буюк Британия ўртасидаги савдо-иқтисодий ҳамкорликнинг жадал ривожланаётгани, Президент Шавкат Мирзиёев раҳнамолигида амалга оширилаётган ислоҳотлар натижасида мамлакатда қулай инвестицион ва ишбилармонлик муҳити шаклланиб бораётганлиги алоҳида таъкидлаб ўтилди.

Музокаралар давомида томонлар халқаро молия ташкилотлари томонидан инвестициялар жалб қилиш, хорижий компаниялар иштирокида  иқтисодиётнинг турли соҳаларида янги инвестициявий лойиҳаларни амалга ошириш истиқболларини атрофлича муҳокама қилдилар.

Самимий ва дўстона руҳда бўлиб ўтган ушбу учрашув икки давлат ишбилармон доиралари ўртасида янги имкониятларни очиш истиқболларини яна бир бор намойиш этди.

Шу билан BMB HOLDING делегациясининг Европа мамлакатлари бўйлаб қилган ишчи ташрифи ўз ниҳоясига етди.

BMB HOLDING Ахборот хизмати