BMB HOLDING тизимидаги корхоналарда ишлаб чиқарилаётган кўплаб турдаги маҳсулотлар халқаро бозордаги мавқеини кундан-кунга мустаҳкамлаб бормоқда.

FDA (Food and Drug Administration) ташкилоти томонидан BMB Opera Zafferano ва BMB Shifo корхоналарида заъфарон етиштириш ва қайта ишлаш бўйича тўлиқ технологик занжир – экиш, парваришлаш, агротехник тадбирлар, терим, саралаш, қайта ишлаш, сақлаш ва қадоқлаш жараёнлари халқаро талаблар асосида атрофлича ўрганиб чиқилиб, АҚШ бозорига экспорт қилиш учун зарур бўлган FDA сертификатининг амал қилиш муддати узайтирилди.

Маълумот учун: FDA (Food and Drug Administration) – АҚШда озиқ-овқат, дори воситалари, тиббий, биологик ва косметик маҳсулотларнинг хавфсизлиги ҳамда сифатини назорат қилувчи Федерал агентлик бўлиб, FDA сертификати экспорт қилинадиган маҳсулотларнинг Америка бозорларида қонуний равишда савдога чиқарилиши учун энг муҳим ҳужжат ҳисобланади.

BMB HOLDING Ахборот хизмати