Жорий йилнинг 18 апрель куни BMB HOLDING Бош офисида Холдингнинг халқаро муносабатлар ва инвестициялар бўйича Бош директор ўринбосари Ҳайрулла Набижонов ҳамда Франция Республикасининг Ўзбекистондаги Фавқулодда ва Мухтор элчисининг Савдо масалалари бўйича маслаҳатчиси жаноб Ян Кошиньский ўртасида учрашув бўлиб ўтди.

Учрашувда ўзаро савдо-иқтисодий алоқаларни янада мустаҳкамлаш ва кенгайтириш, икки томонлама самарали ҳамкорлик механизмларини йўлга қўйиш каби масалалар муҳокама қилинди.

Шунингдек, Ҳолдинг тизимидаги корхоналар томонидан етиштирилган ва чуқур қайта ишланган, юқори сифатли мева-сабзавотлар, полиз экинлари ва қуруқ мева маҳсулотларини Франция бозорига экспорт қилиш имкониятлари кўриб чиқилди. Жаноб Кошиньский ушбу турдаги маҳсулотларга Францияда талаб юқори эканлигини таъкидлаб, бу борада ўзаро манфаатли ҳамкорлик учун катта салоҳият мавжудлигини қайд этди.

Қолаверса, Франция Савдо-саноат палатаси (CCI France Uzbekistan) билан BMB HOLDING ўртасида ҳамкорлик ўрнатиш масалалари муҳокама қилинди. Бундай ҳамкорлик икки мамлакат компаниялари ўртасида тажриба алмашиш, янги бизнес алоқаларини ўрнатиш ва қўшма лойиҳаларни амалга ошириш учун қулай замин яратиши таъкидланди.

Франция элчихонаси BMB HOLDING‘нинг Франциялик салоҳиятли импортчилар ва дистрибьюторлар билан тўғридан-тўғри алоқалар ўрнатишида, жумладан, бизнес учрашувлар ташкил этишда амалий ёрдам кўрсатишга тайёрлигини билдирди. Жаноб Ян Кошиньский BMB HOLDING’нинг Жиззах вилоятида жойлашган замонавий агрологистика комплекслари ва қайта ишлаш қувватлари фаолияти билан бевосита танишиш мақсадида ушбу объектларга ташриф буюришга катта қизиқиш билдирди.