Хабарингиз бор, Ўзбекистон Республикаси Президенти Шавкат Мирзиёев Мўғулистон Президенти Ухнаагийн Хурэлсухнинг таклифига биноан 24-25 июнь кунлари давлат ташрифи билан ушбу мамлакатда бўлади.

Мазкур ташриф олдидан жорий йил 23 июнь куни Улан-Батор шаҳрида Ўзбекистон–Мўғулистон бизнес-форуми бўлиб ўтди. Форум доирасида “Made in Uzbekistan” миллий маҳсулотлар кўргазмаси очилди, унда ўзбек ишлаб чиқарувчиларнинг маҳсулотлари, хусусан, BMB Za’faron маҳсулоти ҳам намойиш этилмоқда.

Таъкидлаш жоизки, BMB Za’faron кўпчиликнинг катта қизиқишига сабаб бўлмоқда. Унинг шифобахш хусусиятлари ва ўзбек заминида етиштирилиш жараёнлари мўғулистонлик меҳмонлар ва тадбиркорларда катта таассурот қолдирди.

Шунингдек, кўргазманинг юқори мартабали меҳмонлари орасида Ўзбекистон Республикаси Бош вазирининг ўринбосари Жамшид Ходжаев ҳамда Мўғулистон Бош вазирининг ўринбосари Сайнбуянгийн Амарсайхан заъфарон маҳсулоти билан яқиндан танишиб, маҳсулот сифатини юқори баҳолашди.

Мазкур кўргазма янги ҳамкорлик алоқаларини ўрнатиш, тажриба алмашиш ва Ўзбекистон миллий брендларини халқаро майдонда янада кенгроқ танитиш учун ажойиб имконият бўлиб хизмат қилмоқда.

BMB HOLDING Ахборот хизмати