2025 йил 15 июль куни BMB HOLDING Бош директори ўринбосари Сардорбек Розукулов бошчилигидаги делегацияси Бошқирдистон Республикасига ишчи ташрифни амалга оширди.

Ташриф дастурига кўра, Холдинг делегацияси ва Бошқирдистон Савдо ва хизматлар вазири Азат Аскаров ҳамда 10 та энг йирик ишбилармон доиралари вакиллари билан амалий учрашуви бўлиб ўтди.

Учрашув бошида А.Аскаров Бошқирдистоннинг худудий иқтисодий ўсиш нуқталари, ташқи-иқтисодий алоқалари, бизнес муҳити, улгуржи ва чакана савдо тармоқларда талабгор бўлган маҳсулотлар турлари, инвестициявий лойиҳалар борасида сўз юртди.

Ўз навбатида С.Розукулов мамлакатимизда тадбиркорлик ва инвестициявий муҳитни шакллантиришга қаратилган ислоҳотлар туфайли BMB HOLDING бошқа тадбиркорлик субъектлари қаторида эришилган ютуқлар ва режалари ҳақида бўлишди.

Жумладан, бошқирдистонлик тадбиркорлар Холдингнинг муваффақиятли экспорт ва қўшма инвестициявий лойиҳаларни амалга ошириш бўйича илғор тажрибасига қизиқиш билдирдилар.

Мулоқот чоғида бошқирдистонлик тадбиркорлар билан икки томонлама ўзаро манфаатли ҳамкорлик йўналишлари, инвестиция имкониятлари ва савдо алоқаларини кенгайтириш масалалари атрофлича муҳокама қилинди.

Шунингдек, Холдинг делегацияси “Евразия” агропарк раҳбарияти билан қисқа ва узоқ муддатли ҳамкорлик келишувлари муҳокама этилди ва мазкур муассаса худудидаги улгуржи ва чакана савдо тармоқлари билан бевосита жойида танишдилар.

Умуман олганда, мазкур ташриф BMB HOLDINGнинг Бошқирдистон ишбилармон доиралари вакиллари билан савдо-иқтисодий алоқаларни янада мустаҳкамлашга, агросаноат ва савдо соҳаларида янги истиқболлар яратишда муҳим қадам бўлиб хизмат қилади.

BMB HOLDING Ахборот хизмати