Жорий йилнинг 15 апрель куни кечки соат тахминан 21:00 атрофида Жиззах шаҳар Шароф Рашидов кўчасида жойлашган BMB HOLDING қурилиш объекти ҳудудида бахтсиз ҳодиса содир бўлди.

Шуни таъкидлаш лозим, мазкур объектдаги қурилиш ишлари шартнома асосида жалб этилган пудратчи ташкилот томонидан амалга оширилмоқда. Нохуш ҳодиса юзасидан ижтимоий тармоқларда жамоатчилик томонидан кўтарилаётган барча ҳуқуқий-ташкилий масалалар юзасидан пудратчи ташкилот ҳуқуқий жавобгар ҳисобланади.

Ҳозирда ушбу ҳолат юзасидан Жиззах вилояти ҳуқуқни муҳофаза қилувчи идоралари томонидан дастлабки суриштирув ишлари амалга ошириб борилмоқда ва аниқлаштирилган натижаларга кўра қўшимча ахборот тақдим этилади.

Фурсатдан фойдаланиб, ОАВ ва блогерлардан мазкур ҳолат юзасидан жойлаштирилаётган хабарларда расмий ахборотларга таянишларини сўраб қоламиз.

BMB HOLDING
Ахборот хизмати