Жорий йилнинг 13 октябрь куни BMB HOLDING Бош директори ўринбосари Хайрулла Набижонов ва Литванинг IMLITEX HOLDINGS компанияси Таъсисчилар кенгаши раиси маслаҳатчиси Андрей Молчанов ўртасида видеоконференция шаклида музокаралар бўлиб ўтди.
 
Онлайн мулоқот аввалида томонлар компаниялар фаолияти, мавжуд салоҳият ва ўзаро манфаатли ҳамкорликни йўлга қўйиш имкониятлари юзасидан фикр алмашдилар. Учрашувда келгусида биргаликда амалга оширилиши мумкин бўлган истиқболли лойиҳаларни ишлаб чиқиш, савдо-иқтисодий алоқаларни кенгайтириш ҳамда янги бизнес йўналишларини ўзлаштириш масалаларига алоҳида эътибор қаратилди.
 
Маълумот учун, IMLITEX HOLDINGS халқаро бозорларда фаолият юритувчи диверсификациялашган компаниялар гуруҳи бўлиб, унинг асосий йўналишлари қишлоқ хўжалиги хомашёси, озиқ-овқат саноати учун ингредиентлар, тўқимачилик маҳсулотлари, кимё саноати, энергетика, қадоқлаш материаллари ва логистика соҳаларини қамраб олади. Компания 70 та мамлакат билан савдо алоқаларини йўлга қўйган бўлиб, 4 000 дан ортиқ турдаги маҳсулот ва хомашёларни таклиф этади.
 
Музокаралар давомида томонлар мавжуд тажриба ва имкониятлардан келиб чиққан ҳолда, ҳамкорликда амалга оширилиши мумкин бўлган лойиҳаларнинг амалий истиқболлари, уларни ривожлантиришнинг устувор йўналишлари ҳамда ўзаро манфаатли ташаббусларни ҳаётга татбиқ этиш масалаларини муҳокама қилдилар.
 
BMB HOLDING халқаро ҳамкорлик алоқаларини мустаҳкамлаш, янги шериклик муносабатларини йўлга қўйиш ва маҳаллий маҳсулотларнинг ташқи бозорлардаги иштирокини кенгайтиришга қаратилган фаолиятини изчил давом эттирмоқда.