Бугунги глобаллашув даврида хорижий тилларни билиш нафақат шахсий ривожланиш, балки корпоратив муваффақиятнинг ҳам муҳим омилига айланиб бормоқда. Шу мақсадда, BMB HOLDING ходимларининг касбий салоҳиятини янада ошириш йўлида навбатдаги қадамни ташлади.

Жорий йилнинг 4 апрель куни BMB HOLDING Бош офисида Ҳолдинг Бош директори Элёр Иброҳимов ҳамда “Ибрат фарзандлари” ННТ бошқаруви раиси, Ёшлар ишлари агентлиги директорининг хорижий тилларни ривожлантириш бўйича маслаҳатчиси Рустам Қориев ўртасида ҳамкорлик шартномаси имзоланди.

Табдир аввалида юртбошимиз ташаббуси билан хорижий тилларни самарали ва инновацион ёндашув асосида ўқитишга мўлжалланган "Ибрат фарзандлари" лойиҳаси доирасида амалга оширилаётган ишлар ҳамда Ҳолдингнинг ижтимоий йўналишларга мўлжалланган лойиҳалари ва эришилган ютуқлари ҳақида маълумот алмашилди.

Тадбирдан кўзланган асосий мақсад -  биринчи навбатда ходимларнинг ҳам моддий, ҳам маънавий манфаатларига устунлик бериш, қолаверса, уларнинг малакасини ошириш орқали Ҳолдингнинг умумий рақобатбардошлигини таъминлашга қаратилган. “Ибрат фарзандлари” лойиҳасининг тил ўргатиш борасидаги илғор тажрибаси ва замонавий методикалари эса бу жараённинг юқори савияда ташкил этилишига замин яратади. 

Икки томон ўртасидаги бу каби ҳамкорлик келажакда Ўзбекистондаги бизнес ташкилотларининг халқаро майдондаги нуфузини янада юксалтиришга хизмат қилиши шубҳасиз.